‘We’ve all been around long enough to watch a mountain crumble to dust. Mine was my father.’
Wedi’i gynnwys yn amgylchedd di-haint ffatri gwrth-wenwyn nadroedd yng Ngorllewin Cymru, mae Frank yn brwydro i ddod i delerau â marwolaeth ddiweddar ei dad. Yn anfodlon ar ei swydd, mae’n ailymweld ag atgofion â’r gobaith o newid ei ddyfodol a thawelu perthynas tad-mab gymhleth.
FRANK yn ffilm fer iasol o hardd ac ingol sy’n cynnwys barddoniaeth wreiddiol gan Frank a cherddoriaeth gan Sam Jones.
Wedi’u lleoli yng Nghymru, mae’r Jones Collective yn cael eu hysbrydoli gan y bobl a’r cymunedau y maent yn cwrdd â nhw. Mae FRANK wedi’i ysbrydoli gan, a’i greu gyda’r bardd a’r gweithiwr ffatri gwrth-wenwyn nadroedd go iawn, Frank Thomas.
“Eleven minutes of depth and nuance… honestly moving, visually strong, and like all good short films, lingers like a flash in the darkness.” Wales Arts Review
FRANK premiered at Chapter Arts Centre on 22 February 2022, Cardiff and was broadcast online from 22 February to 21 March 2022.
O sioe cyn-bandemig safle-benodol ysblennydd i’w ffurf ddigidol wedi’i hail-ddychmygu, mae gwneud FRANK wedi bod yn dipyn o gamp. Yn ystod y ffilmio yng Nghoedwig Cas-gwent, gofynnon ni i’r crewyr, Buddug James Jones, Frank Thomas, Jesse Briton, a Sam Jones i rannu troeon trwstan y sioe. Darllenwch *Gwneud FRANK: o’r goedwig i’r sgrin.*
Bwriad y Jones Collective a Plastique Fantastique oedd treulio eleni yn fforestydd a choedwigoedd Cymru, gan rannu eu cydweithrediad artistig FRANK, sioe am fywyd go iawn Frank Thomas, gweithiwr ffatri gwrth-wenwyn nadroedd, artist y gair llafar a gwenynwr. Fel y mwyafrif o bobl roedd yn rhaid i’n cynlluniau newid, a disodlwyd sgyrsiau o dan y canopi gan alwadau fideo a chysylltiadau rhithwir.
Er i ni golli’r coed, roedd yr amser i feddwl yn golygu amser i archwilio. Parhaodd Yena Young (Plastique Fantastique) a Buddug James Jones (Jones Collective) i gydweithio, ac estyn allan at arbenigwyr i archwilio themâu a phynciau sy’n berthnasol i’w cydweithrediad. Recordiwyd eu disgwrs creadigol ac mae’r sgyrsiau hyn bellach ar gael fel cyfres podlediad.
Diolch i arian gan Lysgenhadaeth yr Almaen a’r Goethe-Institut Llundain.
Mae’r seicotherapydd Dr Ruth Allen yn ymuno â ni i siarad am natur yn NATURE, a grym iachaol camu y tu allan.
Mae Ruth Allen yn (eco)seicotherapydd, hwylusydd ac awdur, sy’n byw yn ardal y Peak, y DU. Mae Ruth yn arbenigo mewn ymarfer awyr agored, cysylltedd â natur a gweithio gyda’r meddwl, y corff a symud y tu mewn a’r tu allan. Mae ganddi ddiddordeb arbennig yn y perthnasoedd sydd gennym gyda’n gilydd, gyda ni’n hunain a gyda gweddill natur, yn ogystal â’r ystyr a wnawn o’n bywydau. Cyhoeddir ei llyfr cyntaf, Grounded, yng ngwanwyn 2021.
whitepeakwellbeing.com | Instagram: @whitepeak_ruth